Description

علامہ اقبال ؒ امت محمدیہ ﷺ کےنشیب وفرازکا عالمگیر ادراک رکھنے والی شخصیت ہیں۔آپ کی فکر نے مذہب، سیاست، سماجیات، معاشرت،فکر ونظر ،الغرض ہر جہت سے ،ہر سطح کے لوگوں پر اپنے اثرات چھوڑے ہیں۔اقبالؒ کی فکر ایسی زندہ فکر ہے کہ وقت کے ساتھ ساتھ یہ مزید عیاں ہور ہی ہے۔فکر اقبالؒ کی اس طور پر بالیدگی کی وجہ علامہ اقباؒل خودیہ بیان فرماتے ہیں کہ اس کا مآخذ قرآن ہے۔علامہ کو میسر آنے والی اس شہرت کے باوجود "اقبالؒ کے قرآنی افکار" پرایسی معیاری کتب بہت کم میسر ہیں جن میں گہرائی اور گیرائی کے ساتھ Focus رہتے ہوئے اقبال ؒ کی فکر کے مختلف گوشوں کو تلاشنے اور پھران پہلوؤں سے متعلق حتمی رائے قائم کرنے کی کوشش کی گئی ہو۔
ڈاکٹر علی وقار قادری کی زیر نظر کتاب"علامہ اقبال کے قرآنی افکار"میں فکر اقبالؒ کے سات گوشے نمایا ں کئے گئے ہیں۔ منہج کتاب یہ ہے پہلے کسی ایک گوشے کے حوالے سے پوری محنت کےساتھ اقبالؒ کے نقطہ نظر کو بیان کیا گیا ہے اور پھر یہ واضح کیا گیا ہے اس خاص فکر کے حوالے سے اقبالؒ نےکن قرآنی مقامات سے استدلال کیا ہے۔کتاب میں درج ذیل سات افکار پر شرح وبسط سے بات کی گئی ہے:
1. علامہ اقبالؒ کے افکار کی بنیادقرآن مجید ہے
2. علامہ اقبالؒ کے نزدیک شعور انسانی کے تشکیلی اجزاء(اقبالؒ کا تصو رخودی اورقرآن )
3. علامہ اقبالؒ کے معاشی افکار اورقرآن
4. علامہ اقبالؒ کے نزدیک قرآن مجید کی غایت نزول
5. علامہ اقبالؒ کے سیاسی افکار اورقرآن
6. علامہ اقبالؒ کا تصور بقائے دوام اور قرآن
7. علامہ اقبال کا تصور کائنات اور قرآن